Virasat Ka Album: Samvidhan ke likhne aur chitrakari ki ansuni dastaan📙

 Jai Hind, Jai Bharat! 🇮🇳

Hamara Samvidhan, Hamara Samvidhan

Do Sulekhak, Do Bhashaye, Ek Jazba: Miliye un kalakaro se jinhone samvidhan ko "Virasat ka Album" bana diya.

Hamare Samvidhan ke panne sirf kanoon ki syahi se nahi, balki Bharat ke mahan itihaas aur sanskriti ke rango se range hue hain.

 Isi wajah se ye duniya ka sabse khoobsurat dastavez hai.

Padhiye in mahan logo ki kahani,"Kanooni Ladki ki Zubani."

Prem Behari Narain Raizada: Wo 'Sulekhak' (Calligrapher) jinki kalam ne itihaas likha ✍️

Samvidhan ko English me likhne ka mahan kaam Prem Behari ji ne apne haatho se kiya.Unki likhawat (handwriting ) itni sundar thi ki dekhne wale ko lgta hai jaise kisi machine se print kiya gaya ho.

1- Bina Fees ki Shart :-  

Jab Pt. Nehru ji ne unse fees puchi, to unhone kaha- 

"Ek Paisa bhi nahi.Bas meri ek shart hai ki har panne par mera naam ho aur aakhiri panne par mere sath mere Dada ji ( Shri Ram Prasad ji) ka naam ho."

Aaj bhi original handwritten Constitution ke page par unka naam likha hua hai.

2- Ghisne wale nib:-  

Unhone poora samvidhan Italic Style me likha. 

Ise likhne ke liye unhone 432 ' No. 303' nibs ka istemal kiya jo likhte- likhte ghis jati thi, tab wo turant nayi nib badalte the taaki puri kitab me likhawat ek jaisi aur barik bani rahe.

3- Sabr ka kaam:- 

Unhone 6 mahine tak bina ruke huye samvidhan ke 251 panno ke dastavez ko pura kiya. 

Vasant Krishna Vaidya: Hindi Samvidhan ki Shaan 

Jitna sundar English version hai, utna hi shandaar hamara Hindi Samvidhan bhi hai. isko likhne ka shrey Vasant Krishna Vaidya ko mila.

1- Khoobsurat Likhawat:- 

Vasant Krishna Vaidya ne Hindi (Devnagari) me poora samvidhan itni shuddhata aur sundarta se likha ki wo bilkul motiyon jaisi lagti hai.

2- Ek hi pravaah (Flow):-  

Kaha jata hai jab Vasant ji likhne baithte the, to wo ghanto ek hi rhythm me likhte the taaki poore samvidhan aksharo ka aakaar(size) aur unki motayi ek jaisi rahe. Zara sochiye 250 se jyada panno tak ek hi jaisi likhawat banaye rakhna kitna mushkil Raha hoga.

3- Kala aur Sahyog:-  

Vasant ji ne sirf likha nahi balki unhone Nandlal Bose (Shantiniketan ke kalakaro) ke saath milkar ye sunishchit kiya ki Hindi Samvidhan ke har panno par jo Borders aur Chitra Bane hai wo Bharat ki mitti aur sanskriti se jude ho.

Nandalal Bose aur Shantiniketan: Samvidhan ko 'Kala' bana diya 🎨

Samvidhan ke har panne par jo sundar borders aur chitra hain, wo Shantiniketan ke mahan chitrakar Nandalal Bose aur unki Shantiniketan team ne banaye hai.

1- Itihaas ka Safar:-  

Samvidhan me kul 22 parts hai aur har part ki shuruaat me ek painting hai. Inme Vaidik kaal, Ramayan, Mahabharat,Gautam Buddha, Akbar, Shivaji Maharaj aur Azadi ki ladayi (Dandi March) tak ke chitra hai.

1- Asli Sona (Gold Leaf):-  

In chitron ko sajane ke liye asli Sone ki pattiyo aur prakrtik (natural) rangon ka istemal kiya gaya hai.

Beohar Rammanohar Sinha : Preamble ke Jaadugar ✨

1- Sabse Khoobsurat Panna:-  

Samvidhan ka sabse pehla aur mahatvapurn panna, yani Preamble (Uddeshika), unhi ke dwara sajaya gaya tha. Uske charon taraf ka sunehra aur barik border unki kala ka behtareen namuna hai.

1- Chhupa Hua Naam (Signature):-  

Agar aap Preamble ke panne ko dhyan se niche daayi taraf (Bottom Right) dekhenge, toh wahan unhone chote se aksharon mein 'Ram' likha hai. Ye unka signature hai jo aaj bhi wahan darj hai.

1- Shantiniketan ki Shaan:- 

Wo mahan chitrakar Nandalal Bose ke sabse priy shishy the. Unhone apni chitrakari mein Bharat ke sanskritik itihaas ko ukerne ke liye asli sone (gold leaf) ka istemal kiya tha

Samvidhan ki Khoobsurti me Mahilaon ka Yogdaan✨

Shantiniketan ke Nandlal Bose ki team me purush kalakar hi ni mahilaye bhi thi jinke yogadan ne har panne ko "jivant" banaya:

• Gauri Bhanja: Nandlal Bose ki beti. Inhone 'Nataraja' aur 'Akbar ke Darbar' jaise chitron ke borders aur bariki par kaam kiya.
• Bani Patel: Gauri Bhanja ki beti (sirf 21 saal ki). Inhone 'Dandi March' jaise aitihasik chitron ki finishing aur borders sajaye.
• Sumitra Sen:  Nandlal ki chhoti beti inhone samvidhan ke panno ki sajawat aur unke borders par bahut hi mehnat se kaam kiya tha.
• Nibedita Bose: Ye N Bengal ki 'Alpana' aur lok-kala (Folk Art) se panno ko paramparik roop diya.
• Amla Sarkar & Sumitra:  Ye Nandlal ki shishya thi. Inki sookshm ( High Quality wali bariki ) chitrakari ne Samvidhan ke hashiye (borders) ko vishva-stariya sundarta di.

💡Kanooni Ladki Fact: 

Samvidhan ko sajane mein ek hi parivar ki teen peedhiyon ka hath tha– "Gauri Bhanja (Nandlal Bose ki beti), Bani Patel (Gauri ki beti), aur Nibedita Bose (Nandlal Bose ki bahu)." Ye Bharat ki 'Stree Shakti' ka behtareen udahran hai! ⚖️💪

Bharat ki kanooni Virasat ka Album 📙

Hamara Samvidhan sirf kanoon ka dastawez nahi, balki Bharat ki 5000 saal purani kahani kehta ek album hai:

1- Hathon ka Sparsh: 

Machine printing ke daur me bhi ise hathon se likha gaya, taaki har panna insaani jazbaat aur desh ke prati samarpan bayaan kare.

2- Fundamental Rights (Part 3): 

Is panne par Bhagwan Ram, Mata Sita aur Lakshman ji ka chitra hai, jo 'Nyay' aur 'Maryada' ka prateek hai.

3- Directive Principles (Part 4):

 Yahan Bhagwan Krishna aur Arjun ka chitra hai, jo sahi disha aur 'Kartavya' ka sandesh deta hai.

Ant me kanooni ladki ko aapse yahi kahna ki- 

Hamara Samvidhan sirf kanooni dharaon ka sangrah nahi hai. Jab hum ise dhyan se dekhte hain, to hume samajh aata hai ki ye hamare desh ki Aatma ka Darpan hai.

Prem Behari ji ki ungliyon ka dard, Vasant Krishna ji ka anushasan aur Nandalal Bose ki brush se utri hamari hazaron saal purani sanskriti aur us par mahilao ki kalkari  in sabne milkar ise ek 'Virasat ka Album' bana diya hai. 

Agli baar jab aap Samvidhan ka naam sune, to sirf kanoon mat yaad kijiyega, balki un hathon ko yaad kijiyega jinhone ise apne khoon-pasine aur kala se hum sab ke liye sajaya hai."

Apko ye jankari kaisi lagi? 

Comment mein zaroor bataye !

Aisi hi aur dilchasp kanooni jankariyon ke liye jude rahiye "Kanooni Ladki'  ke sath.

"Kanoon ki Baat, Kanooni Ladki Ke Saath"